Symphony cruise Sea Line Tokyo (www.symphony-cruise.co.jp) 連同十間日本酒藏嘅年青老闆一齊會喺九月中搞個Sake船P， 叫做Sake Oceans。 三個鐘夜遊東京再加上飲Sake都係12,000円一位。 (大約港幣 $925) 可惜我九月中行唔開，睇嚟都係無緣去玩啦！
参加酒造:
くどき上手（亀の井酒造-山形） 乾坤一（大沼酒造店-宮城） 蒼空（藤岡酒造-京都） 而今（木屋正酒造-三重） 義侠（山忠本家酒造-愛知） 田中六五（白糸酒造-福岡） 仙禽（せんきん-栃木） 手取川（吉田酒造-石川） 真澄（宮坂醸造-長野） 七本鎗（冨田酒造-滋賀）
睇下佢哋上年(2015)嘅短片
我喺度諗，如果香港搞一個similar嘅event，會唔會都吸引到人呢？我深信係唔會囉！就算畀你請到十幾間日本酒莊嘅社長嚟，先唔好講價錢，啲硬配套香港就一定比唔上！點解我咁講？因為Sake Oceans用嘅船係可以坐到350人以上嘅豪華游艇。而船公司不嬲都用呢啲船做 Harbour Cruise. 而香港如果想搵隻350人以上嘅船做harbour cruise，就只有香港小輪集團旗下嘅洋紫荊維港遊嗰四隻改裝嘅汽車渡海小輪！有乜唔同，大家睇下片：
PS: 不過其實睇片又唔係咁公平嘅，話晒我搵到香港小輪條片係差唔多九年前嘅，而Symphony cruise Sea Line Tokyo條片就係最近嘅！
唔知如果我吹雞，搵埋啲friend，call唔call到過300人去join個咁樣既Sake船P呢？
